VOV4.Xơ Đăng - Xua túa pro hlá mơ-éa ối hên tơvâ tơvân, kăn bô̆ ki  pơkuâ  ối ví, pơcháu ngế kố pơcháu ăm ngế tá pêi hnoăng cheăng  pro tơdroăng tơ’mot mâu khu ‘no liăn cheăng a kong pơlê Lâm Đồng chiâng hrá. Ing apoăng hơnăm  kong pơlê Lâm Đồng bú tơ’mot 9 tơdroăng tơkêa bro ‘no liăn cheăng, ƀă tơnêi chêh inâi vâ pêi lối 77ha ƀă tâi tâng kơxô̆ liăn  lối 700 rơtal liăn. Tơdrêng amê, 24 tơdroăng tơkêa pro pâ ‘mâi hơ’lêh tơdroăng cheăng ‘no liăn mơjiângpro, 3 tơdroăng tơkêa bro ki ê xo tơvêh, pơtê tơdroăng cheăng.

Lâm Đồng tơ’mot khu ‘no liăn cheăng  ối trâm hên xơpá

Tâi tâng kơxô̆ liăn ‘no cheăng ối xêt tung kong pơlê nôkố  ai 969 tơdroăng tơkêa bro, tung mê bu ối 600 tơdroăng tơkêa bro hiăng pê klêi  ƀă hiăng xuá. Vi ƀan kongpơlê Lâm Đồng tối , tơ’mot ‘no liăn cheăng dêi kong pơlê tro hrsa cho ing luât pơkâ, tluât tŏng kum pêi ối hrá, ngế pơkuâ tíú pêi cheăng, kơvâ cheăng, tơring kong pơlê ôh tá rơkê tá vâ ptơmâng pêi, ví, pơcháu kơ mâu ki ê tơdroăng cheăng tơná pro tơdjâk troh tơdroăng ‘no liăn mơjiâng tơmeăm khoăng.

Gương tơplôu ƀă tơbleăng