Pakĭng mâu tơdroăng pêi pro châ tơƀrê, cheăng kâ rêh ối pơlê pơla hơnăm 2023 dêi kong pơlê Lâm Đồng trâm hên xơpá, 4/18 tơdroăng pơkâ ki ôh tá pêi klêi tiô pơkâ. Maluâ cheăng kâ rak vế mơdêk cheăng kâ 5,63% la tá hâi tơniăn ƀă krá. Kơmăi kơmok – mơjiâng pro kế tơmeăm iâ; tơdroăng ki mơjiâng bro, tê mơdró dêi kuăn pơlê, khu mơdró kâ ôh tá tơ’lêi hlâu xua tơdjâk pro kế tơmeăm to kơnâ, kơxô̆ liăn hrê roê kế tơmeăm to kơnâ.

Hnoăng cheăng nâp liăn tơnêi têa xuân trâm hên xơpá, ing mê,  mâu kơxô̆ liăn tơnêi têa xuân trâm hên xơpá, mâu kơxô̆ liăn nâp sap nâp hnoăng liăn mơhá, bu châ 87,8%, nâp liăn sap ing hngêi ối, tơnêi bu dâng 85,8% liăn kong pơlê. Pakĭng mê, ‘no liăn pêi cheăng krê ối hrá, chêl thiê̆n, tơnêi tơníu trâm hên xơpá. Hnoăng cheăng tơ’mot ‘no liăn cheăng, malối cho tơdroăng tơkêa liăn pêi cheăng kong têa ê hrá pơtroh. Tơdroăng hơ’lêh chêh pro hlá mơ-éa, hơ’lêh tơdroăng ki ‘no liăn cheăng tê mơdró tá hâi pêi pro châ tiô tơdroăng ki rơhêng vâ.