VOV4.Xơ Đăng - Hâi lơ 26/5, Khu hnê mơhno cheăng dêi tơnêi têa ‘na hbrâ ví xía vâ kong prâi pro ôh tá tơniăn tơrŭm ƀă Khu xiâm tối ăm ‘nâi mâu tơdroăng nếo ai hyôh rơ’jiu, Khu chêh hlá tơbeăng Việt Nam tơ kŭm po leh diâp Pri Hlá tơbeăng tung lâp tơnêi têa ‘na hbrâ ví xía vâ kong prâi pro ôh tá tơniăn roh má péa. Pơxá “Xua môi pơlê pơla tơniăn hdrối kong prâi pro ôh tá tơniăn - Hbrâ hmâ ƀă kong prâi hơ’lêh, Pri mơhá chêh hlá tơbeăng tung lâp tơnêi têa ‘na Hbrâ ví xía vâ kong prâi pro ôh tá tơniăn roh má péa hiăng tơ’mot hên kơ koan chêh hlá tơbeăng ƀă mâu ngế cheăng chêh hlá tơbeăng, mâu ngế rah chêh ing mâu kơ koan chêh hlá tơbeăng xiâm tơnêi têa troh kong pơlê.

Ing lối 900 ƀai chêh a 5 túa chêh, túa hlá tơbeăng um, Khu po tơ’noăng hiăng râh 35 ƀai chêh ki rơkê ‘ló mơhá pri a rôh leh mê ai : 4 pri ối má môi;  5 pri ối má péa, 10 pri ối má pái, 15 pri mơhnhôk ƀă 1 pri “ tơdroăng hơ’muăn tơdjâk ó má môi”.

Gương tơplôu ƀă tơbleăng