VOV4.XơĐăng - Kơxo lơ 10/5, a Hà Nội, hrĭng ngế hok tro mâu râ veăng Leh mơhnhôk Hâi leh mơdĭng kong prâi ƀă diâp pri Khế Tối ôh tá vâ chhá xúa môi xôh. Hơnăm nah, Tíu xiâm pơtâng tối ‘na loăng pơlái, kuăn kiâ, kong kế, kong prâi, Khu xiâm pơkuâ kong prâi hiăng thế tơrŭm ƀă Khu pơkuâ hnê hriâm ƀă Hnê mơjiâng tuăn ngôa rơkê pơlê kong kân Hà Nội, Tơmeăm inâi Nestle Milo Việt Nam pêi pro châ tơƀrê tơdroăng pêi pro ‘’Khế tối ôh tá vâ ƀă chhá xúa môi xôh’’ ƀă Roh tơ’noăng rơkê ‘na kong prâi ‘’Xua môi tíu xah hêi Việt Nam ƀeăn ƀĕng rơkê ƀă ngiât lĕm.

Leh mơhnhôk ‘’Hâi leh mơdĭng kong prâi’’ hơnăm 2022 (Um TTXVN)

Mâu chôu hriâm hnê kong prâi, mâu tơdroăng kơchuâ um veăng tơ’noăng, tơdroăng pơ’lêh xok xo plâi, mâu troăng pêi vêh pro ing mâu tơmeăm ki xúa hiăng hvât lôi tung rơpŏng hiăng mơhnhôk tơdroăng ki môi tuăn dêi hên hok tro a mâu râ hriâm.

A Sa Ly tơplôu ƀă tơbleăng