Pơchuât a rôh leh ai tối nhên: “Kon Plông rêm hâi pơhlêh ngiâ méa, tơdroăng rêh ối rế xông tơƀrê nếo. Mơni tâi tâng mâu lêng ki hlâ xua tơplâ khên tơnôu xua pơlê xiâm, tơnêi têa tơdroăng mê ai tơdjuôm môi tơdroăng púi vâ Tơnêi têa châ tơleăng lĕm, tơniăn krê, Kuăn pơlê phâi tơtô ƀă hơniâp ro”.

Tơbleăng a rôh leh tơbâ, pôa Lê Ngọc Tuấn, Kăn hnê ngăn Vi ƀan kong pơlê Kon Tum, tối: “ Tơbâ 50 hơnăm Plâ ƀlêi trâng Mang Deang, châ tơleăng lĕm Kon Plông cho rôh vâ tơbâ tơdroăng tơplâ khên tơnôu ƀă hâk tơngăm tơdroăng tơplâ khên tơnôu mê. Tung pơla mâu hơnăm kăch măng pơhlêh nếo, Khu kăn Đảng kong pơlê - Hô̆i đong Kuăn pơlê - Vi ƀan Kuăn pơlê - Vi ƀan Măt trâ̆n tơnêi têa Việt Nam kong pơlê đi đo loi kơ Đảng ƀô̆, mâu lêng ƀă mâu kuăn pơlê rêm hdroâng kuăn ngo tơring Kon Plông pơtối pêi pro tơdroăng ki lĕm ton nah, pêi klêi hnoăng cheăng kal kí châ Đảng Tơnêi têa pơcháu”.