Kơxo  hâi lơ 20/12 a Hngêi hôp kân Tơnêi têa a Pơlê kong xiâm Hà Nội, Khu kăn pơkuâ ngăn Tíu xiâm Đảng Kŏng san Việt Nan, Kuô̆k hô̆i, Kăn xiâm hnê ngăn tơnêi têa Kŏng hoa xah hô̆i chuh ngiah Việt Nam, Vi ƀan xiâm Măt trâ̆n Tơnêi têa Việt Nam ƀă Khu Đảng lêng Xiâm, Khu xiâm pơkuâ ngăn lêng tơkŭm po leh tơbâ 80 hơnăm Hâi mơjiâng Khu lêng kuăn pơlê Việt Nam, 35 hơnăm Hâi mâu lêng tâi tâng kuăn pơlê.

Veăng leh tơbâ ai mâu kăn xiâm Đảng, Tơnêi têa, mâu lêng, mâu kăn hơnăm hiăng krâ kăch măng, Jâ Nôu Việt Nam khên tơnôu, kăn lêng ing mâu rơxông. Ki tơƀrê tâ  tung leh tơbâ cho Tơdroăng hơ’muăn hdrôu ngê̆ thuâ̆t ƀă chôu mơ’no lối 30 phut, mê mâu bai hơdruê xuăng, hơ’muăn hdrôu ki ro tơniâ, tối ‘na tâi tâng mâu tơdroăng sap ing pơxiâm nah, tơdroăng tơplâ, plâ ƀlêi trăng dêi mâu lêng xúa.

Xuân mơhno hnoăng ki kân dêi mâu lêng kuăn pơlê Việt Nam tung tơdroăng mơjiâng  ƀă kring vế tơnêi têa. Vâ po hneăng hôp kân mê, tung la ngiâ tung lâp tơnêi têa hiăng pêi hên tơdroăng ai pơxúa. Tá lâp tơnêi têa ai lối 1.830 tơmeăm khoăng koh tơbâ, kơnâ dâng 260 rơtal liăn tơbleăng tŏng gum liăn ‘mâi rơnêu, pro kơƀăng xối tơbâ ăm 32 ngế lêng  pơxá Đội Việt Nam tuyên truyền Giải phóng quân, ƀă tâi tâng kơxô̆ liăn 2,56 rơtal liăn.