Po sap hâi lơ 9/3 troh hâi lơ 13/3, leh tơbleăng hiăng tơ’mot dâng 25.000 ngế tơmối mot hyô ngăn a Dak Lak, tung mê ai 1.800 hdrôh ngế tơmối kong têa ê. 17 tơdroăng po leh tơbleăng hiăng chôu pâ tung tuăn kuăn pơlê. Hên tơdroăng ki hơ’lêh nếo, hriĕn plĕng ki nếo rơtâ tá xiâm pơxá “Buôn Ma Thuột - Tíu troh dêi kơphế lâp plâi tơnêi” hiăng tơbleăng tối: Pơtối rak vế, Tíu troh, Tơrŭm tơrôa dêi kơphế Việt Nam.

A leh tơbleăng, rôh apoăng mơngế ki ối ako tơkŭm po kơphế lâp plâi tơnêi ai ƀai pơchuât hdró rôh ki kal tung mơdêk ki rơdêi dế kơphế Việt Nam a lơgât lâp plâi tơnêi. Tung mâu hâi leh tơbleăng hiăng ai hên tơdroăng pêi pro  tơdjêp tê mơdró hiăng tơ’mot mâu khu mơdró tê rôe kơphế tung tơnêi têa ƀă tê ăm kong têa ê veăng tơrŭm. Tơdrêng amê cho mâu tơdroăng mơhno túa lĕm tro, mơhno ki lĕm tơviah.

Vi ƀan kong pơlê Dak lak khĕn kơdeăn: Leh tơbleăng kơphế Buôn Ma Thuột rôh má 9 hiăng klêi tơniăn lĕm, pêi mâu tơdroăng pơkâ mơjiâng “Buôn Ma Thuột chiâng tíu troh dêi kơphế lâp plâi tơnêi”.