A rôh leh, mâu kăn rơtế hơ’muăn tối tơdroăng ki ó rơdêi dêi rôh tơplâ tơtrâ troăng prôk, tơtrâ troăng tŏng gum kuăn pơlê pơkuâ dêi mâu lêng Kŏng san a hngêi phâk Kon Tum po ing hâi lơ 12 – 16/12/1931. Ƀă mâu ngế ki tro kroăng phâk Kŏng san, khu lêng Pơhlăng pĕng hnêa pro 15 ngế hlâ ƀă 16 ngế tro rong. Leh tơdah xo inâi Ngế khên tơnôu Khu lêng kring vế kuăn pơlê diâp ăm Tâi tâng khu lêng kăch măng ki tro xâ rup phâk a Ngục Kon Tum cho rôh hơ’muăn rôh tơplâ hlâ rêh, khên tơnôu, hnê hriâm tơdroăng pâ nhuô̆m tơnêi têa, hiâm mơno ‘nâi mơnê kơ mâu rơxông pâ poâ ki hiăng hlâ xua tơdroăng tơniăn krê dêi tơnêi têa.

Ing mê, mơnhông hiâm mơno hâk tơngăm hdroâng mơngế, hiâm mơno mơ-eăm xêh, hiâm mơno tơrŭm, pro ivá tơ’noăng kơhnâ vâ pêi pro ƀlêi chiâng mâu troăng cheăng kâ rêh ối pơlê pơla a kong pơlê.