Tung hâi hok tro ki tơkŭm troh hngêi trung, hên kong pơlê tung kơpong môi tiah Sơn La, Yên Bái, Lai Châu ƀă hên kong pơlê ki ê ai kong mêi; la ôh tá tơdjâk ki troh hngêi dêi mâu vâi o. Krê kong pơlê Sơn La, apoăng chôu kơxo, ki hên mâu cheăm, tơring pơrá ai mêi kân, tơdroăng ki prôk xơpá, la ƀă tơdroăng tŏng kum dêi mâu khu ki ai tơdjâk troh, mê hâi tơkŭm troh hngêi trung dêi mâu vâi o xuân ối hlo tơniăn tung tơdroăng hâk vâ, phiu ro dêi tá thái cô ƀă hok tro.

Hdrối vâ rơtế ƀă hok tro tung lâp tơnêi têa pơxiâm mot hơnăm hriâm nếo a hâi lơ 5/9, hok tro dêi mâu hngêi trung hriâm a mâu kong pơlê kơpong Tây Bắc kô ai 1 măng tĭng hriâm tơdroăng ki veăng vâ hriâm, kơpuih văng, mơgrúa lĕm kong prâi tơnêi tơníu, lâm hriâm.

Mâu thái cô xuân cho ngế ki kal pơkuâ djâ, pơtroh ivá ăm mâu vâi o vâ rĕng hmâ ƀă tơdroăng ki hriâm klêi kơ’nâi hâi khế pơtê hriâm, hbrâ rơnáu ăm môi hơnăm nếo tơhrâ kô châ ƀlêi chiâng hên tơdroăng.