Lối 100 khu tơbleăng tê tơmeăm dêi 39 tíu tê mơdró, khu mơdró, kong pơlê Sơn La ƀă mâu kong pơlê: Hưng Yên, Ninh Bình, Yên Bái, Hà Nội, Dak Lak, Gia Lai...  ai hên tơmeăm kơphế, tơmeăm pê lo ing chiâk deăng, tơmeăm ki hmâ pê lo ing mâu kơpong hiăng tơkŭm tơbleăng tê a Kơchơ  mơđah “ Kơphế Sơn La- tơrŭm tơ rôa ƀă mơnhông tơ ƀrê”.

Tơmeăm tê ai hên túa a rôh po Mơdĭng ƀă mơngế ki rôe ôu hiăng troh tơkŭm akố, trâm tơpui tơno  tung mâu tơdroăng tơ’noăng mê cho: rơneăm dêi ƀăng deăng kơphế,  rơneăm dêi kơphế,  mơnúa ôu ngăn kơphế ki uâ pro ƀă kŏng ƀă kơchuâ um ƀă têa kơphế...

Kuăn pơlê, tơmối troh châ ngăn hlo mâu kơ’lo kơphế ki ôu tê kơtê ƀă hlối hmâng hơ’muăn ‘na loăng kơphế dêi kong ngo Sơn La, Tây Bắc. Mơdĭng kơphế kong pơlê Sơn La ai hên tơdroăng pêi pro tơ’mot hên tơmối ing achê, hơngế troh ngăn, tơdroăng po mơdĭng vâ chê 80 hơnăm kơphế Sơn La ing loăng plâi ki mơ’nhông tơdroăng rêh ối bê ta troh mơjiâng inâi plâi kơphế dêi kơdrum châ ô eăng troh lâp plâi tơnêi, châ hên ngế vâ rôe a hên kong têa ƀă tung kơpong.