VOV4.Xơ Đăng - Drêng troh leh tơbâ 132 hơnăm hâi kot mâ Pôa Hồ Chí Minh, Kăn xiâm hnê ngăn tơnêi têa ki apoăng, 111 hơnăm hâi Pôa Hồ tăng troăng tŏng kum tơnêi têa, kơxê lơ 18/65, Khu kăn Đảng pơlê kong kân Hồ Chí Minh tơkŭm po leh khĕn kơdeăn khu pú hên, mâu ngế ki ai hnoăng rơkê tung hriâm ƀă pêi pro tiô tuăn mơno, túa pêi cheăng Hồ Chí Minh hơnăm 2021 - 2022.

Lối 350 ngế, khu pú hên châ khĕn kơdeăn tung hriâm, pêi pro tiô Pôa Hồ

Tơbleăng a leh khĕn kơdeăn, pôa Nguyễn Văn Nên, Ngế cheăng tung khu xiâm kal kí, kăn hnê ngăn Đảng Pơlê kong kân Hồ Chí Minh tối, 142 khu pú hên ƀă 213 ngế châ rah xo ing rơpâu ngế kơhnâ rơkê tung hriâm pêi cheăng pleăng hnoăng tơná tung hên tơdroăng cheăng, tơdroăng rêh ối.

Kố cho mâu reăng ki lĕm, rơkê ƀeăn, khên tơmiât, khên pêi, pêi cheăng tâi hiâm mơno tơná, đi đo khên tơmiât, khên pêi ƀă chiu pôu râng dêi hnoăng cheăng tung tơdroăng cheăng dêi tơná.

Gương tơplôu ƀă tơbleăng