VOV4.Xơ Đăng - Khu xiâm pơkuâ hnê hriâm ƀă hnê mơjiâng tuăn ngôa rơkê tối ăm ‘nâi, tâi tâng 63 kong pơlê, pơlê kong kơdrâm hiăng tơkŭm po ăm hok tro mâu râ hriâm tơdrêng. Kơxô̆ hok tro hriâm tơdrêng xêo troh hâi lơ 18/4 châ 99,57%. Klêi kơ’nâi hnê mơhno lôu péa hngêi trung, kăn pơkuâ Khu xiâm pơkuâ hnê hriâm ƀă hnê mơjiâng tuăn ngôa rơkê hiăng lăm séa ngăn tơdroăng pêi pro a mâu kong pơlê.

Ki nhên khât ăm hlo, châ vêh hriâm cho pói vâ kân dêi hok tro, thái cô ƀă nôu pâ hok tro. Mâu kong pơlê hiăng mơjiâng tơdroăng, tơkŭm pơtâp, hbrâ mâu tơmeăm ƀă khŏm djâ hok tro vêh hriâm a hngêi trung, hriâm tâp tơniăn. Mâu hngêi trung pơrá hbrâ séa ngăn, mơnhên, rah tơdroăng hriâm tâp mơ’no tơdrêng tung um tiô troăng măng Internet. Khu xiâm pơkuâ hnê hriâm ƀă hnê mơjiâng tuăn ngôa rơkê tối ăm ‘nâi, tiô pơkâ hnê hriâm dêi mâu hngêi trung, tơdroăng séa ngăn, mơnhên rêm hneăng tiô troăng mơ’no tơdrêng tung um tiô troăng măng internet a hngêi trung pơrá châ pêi pro klêi kơ’nâi môi pơla hok tro hiăng châ hriâm tâp, rak tơniăn, tơ’nôm tơdroăng hriâm.

A Sa Ly tơplôu [ă tơbleăng