VOV4.Xơ Đăng - Kơxo lơ 7/4, a Hà Nội, Hlá tơbeăng Tài Chính Việt Nam ƀă Hlá tơbeăng Khu ‘no liăn mơjiâng tơmeăm khoăng hiăng tơrŭm tơkŭm po hneăng hôp ‘’tơpui tơno ‘na luât pơkâ tŏng kum liăn ngân kum kơjo kum Tơdroăng ‘mâi mơnhông, mơdêk cheăng kâ - rêh ối pơlê pơla’’. Pêi pro tiô Pơkâ 11/2022 dêi Chin phuh ‘na tơdroăng ‘mâi mơnhông, mơdêk cheăng kâ-rêh ối, Khu xiâm ngăn liăn ngân hiăng mơ-eăm thâ tí tăng ‘nâi plĕng, mơjiâng ƀă ăm phêp chiâng pơkuâ mâu luât pơkâ ki kal, vâ kum kuăn pơlê ƀă khu mơdró. 

Mâu luât pơkâ ‘na liăn ngân, môi tiah oh tá nâp, kơdroh pro hnoăng mơhá, hiăng pêi pro tung rêh ối ƀă châ kuăn pơlê khĕn kơdeăn khât. Mâu tơdroăng mơ-eăm ki kal mê xuân hiăng veăng ‘no hnoăng mơ-eăm vâ khu mơdró ƀă tơdroăng cheăng lâ ‘mâi mơnhông pái khế apoăng hơnăm kố. A hneăng hôp, kăn teăng mâ Khu xiâm ngăn pro hnoăng mơhá tíu tê mơdró tơkăng kong xuân hiăng tối ‘na mâu troăng rơhlâ ki kal kum khu mơdró tung la ngiâ, malối ‘na ‘mâi hơ’lêh luât cheăng, xúa pơ’lêh kơxô̆, mơnhông mơdêk pro hnoăng mơhá ƀă tơbleăng ing đie#n tưh.

Gương tơplôu ƀă tơbleăng