VOV4. Xơ Đăng - Kơxê lơ 20/4 hiăng tơkŭm po Hneăng hôp pơla Vi ƀan pơkuâ Kuô̆k hô̆i ƀă Khu xiâm pơkuâ Mât trâ̆n Tơnêi têa Việt Nam. A hneăng hôp, pôa Vương Đình Huệ, Kăn xiâm hnê ngăn Kuô̆k hô̆i mơnhên, kheăn kơdeăn Mât trâ̆n Tơnêi têa ƀă mâu khu tơrŭm cheăng hiăng rế hía rế mơnhên hnoăng ki kal cho khu ki teăng mâ dêi Kuăn pơlê, cho môi khu ki chiâng ki kal tung khu cheăng kal kí a tơnêi têa pin.

Hneăng hôp hên khu

Kăn xiâm hnê ngăn Kuô̆k hô̆i mơnhên tơdroăng tơrŭm pơla Khu râ kăn xiâm hnê ngăn Vi ƀan xiâm Mât trâ̆n tơnêi têa Việt Nam ƀă Vi ƀan pơkuâ Kuô̆k hô̆i đi đo châ tơmâng, rak tơniăn, thăm pêi pro. Tơdrêng amê pơkâ thế Mât trâ̆n tơnêi têa Việt Nam ƀă mâu khu tơrŭm cheăng pơtối hriăn plĕng, hlê plĕng pêi pro 5 khu hnoăng cheăng, troăng pêi tung ƀai xông tơpui hnê mơhno dêi pôa Nguyễn Phú Trọng, Kăn xiâm pơkuâ hnê ngăn Đảng a Hneăng hôp dêi Vi ƀan xiâm Mât trâ̆n Tơnêi têa Việt Nam khế 8/202; pêi tơtro tâ nếo hnoăng xiâm kal kí tung rum môi tuăn tâi tâng hdroâng mơngế, cho kông tơdjâk krá tơniăn pơla kuăn pơlê ƀă Đảng ƀă Tơnêi têa.

A Sa Ly tơplôu ƀă tơbleăng