Pơtối pêi mâu tơdroăng cheăng tung rôh trâm mâ tơpui tơno pơla Vi ƀan Tíu xiâm Măt trâ̆n tơnêi têa Việt Nam  ƀă  Mâu kăn tung lâp tơnêi têa Sinuâ ƀă Măt trâ̆n tơnêi têa Việt Nam  ƀă mâu kăn  dêi mâu kong pơlê  kơpong tíu tơkăng kong pơla péa tơnêi têa, kơxê hâi lơ 28/11, Hneăng hôp tơpui tơno ‘na tơdroăng cheăng pêi pơla péa Pâ po a pơlê kong kơdrâm Hạ Long, kong pơlê Quảng Ninh.

Tối nhên măt trâ̆n tơnêi têa Việt Nam ƀă mâu kăn tung lâp kong têa Sinuâ cho péa khu tơrŭm cheăng  ai hnoăng cheăng pêi ki kal tung  tơdroăng rêh ối kal kí dêi tơrêm tơnêi têa, péa pâ rơtế tối ăm dêi rơpó ‘nâi hên túa cheăng tung pơ’lêh ếo, mơdêk ki tơ ƀrê, pơtối rak vế hnoăng cheăng pêi tung séa ngăn, ôh tá pơrah tối tơdrăng ƀă veăng mơjiâng Đảng, mơjiâng mâu kăn; tung tơdroăng tơkŭm, tơmâng kuăn pơlê veăng hnê khê̆n, pâ thế Đảng, Tơnêi têa. Măt trâ̆n tơnêi têa Việt nam ƀă Mâu kăn dei kong têa Sinuâ, Mâu kong pơlê, tơring cheăm ai tơdjuôm troăng tơkăng kong tơrŭm tung tơdroăng hnê tối, mơhnhôk kuăn pơlê ki rêh ối a tíu tơkăng kong pơla Việt Nam- Sinuâ tơrŭm hơniâp lĕm, tơrŭm hlối mơnhông tơƀrê tung pêi cheăng.