A kơpong hngêi khôp xiâm Kon Tum, teăng mâ khu kăn pơkuâ hnê ngăn Đảng, Hô̆i đong kuăn pơlê, Vi ƀan kuăn pơlê, Vi ƀan Măt trâ̆n tơnêi têa Việt Nam kong pơlê Kon Tum, pôa Dương Văn Trang - Kăn pơkuâ hnê ngăn Đảng ủy Kon Tum rơkâu ƀok xối kân, khu ƀok xối, ƀok muăn,  yah chĭng ƀă kuăn pơlê ki tiô khôp tung rơnó Tĭng kân Pâ Xeăng chu chiâng kuăn mơngế trâm tơdroăng hơniâp tung hiâm mơno, hơniâp ro tung rơpŏng hngêi.

Kăn pơkuâ hnê ngăn Đảng kong pơlê Kon Tum tơmâng xo tối mâu tơdroăng veăng pêi pro kơhnâ khât dêi mâu bok xối, yah chĭng, yao phu  ƀă kuăn pơlê ki khôp Pâ Xeăng tung mơhnhôk tơ’noăng pâ nhoăm tơnêi têa, veăng ‘no dêi ivá rơtế ƀă Đảng ƀô̆, mâu kăn kong pơlê mơjiâng kong pơlê Kon Tum rế ton rế mơnhông.

Pôa Dương Văn Trang xuân tơpui ƀă mâu ƀok xối ‘na troăng hơlâ vâ pêi dêi kong pơlê sap nôkố ta troh hơnăm 2025 gum mâu rơpŏng kơtiê xut tah 1.600 toăng hngêi pơtân, hngêi xi kơchoh vâ kuăn pơlê ai tíu kâ ối lĕm tâ. Pôa tối púi vâ tung la ngiâ, ing troăng hnê mơhno dêi mâu ƀok xối, kuăn pơlê ki top kơpong khôp Kon Tum pơtối rak vế pêi pro tơdroăng rêh ối lĕm tro ‘na châ ƀă ‘na mơhúa’’, môi tuăn dêi rơpó mơjiâng pơlê pơla tung  kong pơlê Kon Tum rế ton rế kro mơdrŏng lĕm.