VOV4.Xơ Đăng - Kơxo lơ 29/6, Khu xiâm riân ngăn (Khu xiâm ngăn tơdroăng pơkâ ƀă ‘no liăn cheăng) tơkŭm po hôp ƀă khu chêh hlá tơbeăng, tơbleăng kơxô̆ riân ngăn ‘na cheăng kâ - rêh ối sap khế pŭn troh khế tơdrốu ƀă 6 khế apoăng hơnăm 2022. Tiô tối tơbleăng, 6 khế apoăng hơnăm, GDP tâk 6,42%, hên tâ ki tâk dêi pơla hneăng hơnăm 2020-2021 la xuân hâi vêh a kơlo ki tâk dêi hơnăm 2019; lâp tơnêi êa ai 76,2 rơpâu khu mơdró chêh inâi mơjiâng nếo, tâk 13,6%; 602 rơpâu hdroh tơmối lâp plâi tơnêi hiăng troh ƀă Việt Nam, tâk luâ 6,8% tâng vâ pơchông ƀă hơnăm nah; kơxô̆ liăn ‘no pêi cheăng tơdrêng ing kong têa ê FDI châ a kơlo ki hên má môi tâng vâ pơchông ƀă 5 hơnăm hdrối.

Kố cho mâu tơdroăng ăm hlo ki pơxiâm mơnhông cheăng kâ, 6 khế apoăng hơnăm. Khu xiâm riân ngăn tối, cheăng kâ Việt Nam mơni kô mơnhông rơdêi tâ tung mâu khế u ối dêi hơnăm, mơngế kal vâ rôe tơmeăm ƀă mơdró kâ tâk kô pro yă tê tơmeăm to kơnâ.

aGương tơplôu ƀă tơbleăng