VOV4.Xơ Đăng - Kơxo lơ 21/5, Khu xiâm hnê ngăn tơnêi têa tơkŭm po leh mit ting pêi pro mâu tơdroăng hâi Lâp plâi tơnêi ôh tá ôu  hât, măng tĭng lâp plâi tơnêi ôh tá ôu hât ƀă hnê tối hbrâ mơdât ki rơ-iô dêi hât dêi khu kăn xiâm tơnêi têa hơnăm 2022.

Mít ting pêi pro tơdroăng hâi lâp plâi tơnêi ôh tá ôu hât

Tơbleăng a leh mit-ting, pôa Vũ Đăng Minh, Ngế pơkuâ Ƀơrô xiâm hnê ngăn tơnêi ăm ‘nâi, pêi pro troh tơdroăng rêh ối ôh tá ai ngôi hât, khu xiâm hnê ngăn tơnêi têa hiăng pơkâ hên troăng rơhlâ, môi tiah: In, xoăng hlá mơ-éa hbrâ mơdât ki rơ-iô dêi hât; hnê tối luât hbrâ mơdât ki rơ-iô dêi hât; mơdât ôu hât a mâu kơ koan, tíu pêi cheăng; djâ tơdroăng hnê mơdât ôu hât chêh ‘mot tung pơkâ, ‘na mơhno ki lĕm tro a tíu pêi cheăng. Tung la ngiâ, Khu xiâm hnê ngăn tơnêi têa xuân pơtối hnê tối ‘na ki tơdjâk troh hnoăng cheăng dêi ngế pơkuâ , hnoăng cheăng dêi ngế ki ô hât. 

Gương tơplôu ƀă tơbleăng