Tâi tâng kơxô̆ liăn hiăng châ mâu Khu râ kăn pêi cheăng dêi Khu xiâm pơkuâ mô đô̆i ƀă đông lêng diâp a kŏng ăm mâu vâi o. Tung mê, ai troh 1,8 rơtal liăn ăm 253 ngế vâi o ối tung Tơdroăng tơkêa bro ‘’Kăn ƀô̆, mâu lêng Mô đô̆i kum o troh hngêi trung’’. Mâu vâi o pơrá ai tơdroăng rêh ối pá puât ‘na hngêi ối a 13 cheăm tơkăng kong ối tung 4 tơring dêi kong pơlê Kon Tum, mê cho: Đăk Glei, Ngọc Hồi, Sa Thầy ƀă Ia H’Drai.

Klăng roh hơnăm hriâm nếo 2023 – 2024, mâu đông mô đô̆i gak tơkăng kong drô troăng tơkăng kong xuân diâp kơxuô tơmeăm, tơmeăm xúa hriâm tâp ăm 15 ngế muăn cho “Kuăn păn Đông mô đô̆i gâk tơkăng kong” mơhnhôk mâu vâi muăn thăm loi tơngah mot hơnăm hriâm nếo 2023 – 2024.