Ki nhên, rêm khế, mâu tíu cheăng on tơhrik tung kong pơlê pơrá ai ƀai chêh, video tơdjâk tơdroăng tơniăn on tơhrik, tơbleăng tung website kơvâ on tơhrik xuân môi tiah mâu tơbleăng, rơ’jíu tơnêi têa ƀă kong pơlê; pêi pro tơdroăng mơ’no tung rơ’jíu pơtâng tối tơniăn on tơhrik a mâu cheăm, bêng sap ing 2 troh 4 xôh rêm khế.

Ing măng pơlê pơla cho Zalo ƀă Facebook, On tơhrik Dak Lak xuân pêi pro pơtâng tối tơniăn on tơhrik ƀă lối 62.000 mơ-éa chêh xing xoăng ăm kuăn pơlê ngăn, tíu cheăng hiăng pro achê ƀă kuăn pơlê vâ kuăn pơlê hlê plĕng ƀă xúa.

Sap ing khế 10/2023, veăng mâu khu séa ngăn kơvâ cheăng ‘na tơdroăng hbrâ mơdât on chếo, On tơhrik Dak Lak hiăng tơrŭm pơtâng tối on tơhrik troh mâu khu pú hên, ngế krê, vâ kơdroh ai chếo pơtôu tung pêt mơjiâng tơmeăm khoăng, tê mơdró.