VOV4.Xơđăng - Hâi lơ 4/5, Khu xiâm ngăn hnê hriâm ƀă hnê mơjiâng tuăn ngôa rơkê ‘na tơdroăng mơdêk hbrâ mơdât klâk têa a vâi hdrêng, hok tro. Hlá kơthô dêi Khu xiâm ngăn hnê hriâm ƀă hnê mơjiâng tuăn ngôa rơkê pâ thế mâu khu xiâm ngăn hnê hriâm ƀă hnê mơjiâng tuăn ngôa rơkê dêi mâu kong pơlê pơtối hnê ngăn khât, tơbleăng pêi tơ-ƀrê mâu hlá mơ-éa hnê mơhno dêi ngế pro xiâm hnê ngăn Chin phuh, Khu xiâm hnê mơhno dêi Ngế pro xiâm hnê ngăn  Chin phuh, Ngế xiâm ngăn hnê hriâm ƀă hnê mơjiâng tuăn ngôa rơkê ‘na hbrâ mơdât xía vâ rong râ, klâk têa ƀă mâu vâi hdrêng, hok tro. 

Mâu tíu xiâm po rôh tơbleăng hnê tối mơdêk hlê plĕng, hnê vâ hok tro hlê ƀă pêi pro tiô mâu pơkâ ‘na hbrâ mơdât klâk têa, malối hlê mâu tơdroăng ki xiâm tơ’lêi klâk têa; tơbleăng, hnê ‘na hbrâ mơdât klâk têa ăm tơrêm to hngêi trung, lâm hriâm hdrối hok tro vâ pơtê a rơnó pơtê hriâm rơnó mơdrăng, mơdêk hnê klê têa, hnê tuá rak tơniăn ăm hok tro tung hngêi trung. Hnê mơhno mơdêk tâ nếo tơdroăng cheăng tơrŭm pơla hngêi trung ƀă rơpŏng hngêi, tâi tâng kuăn pơlê ƀă mâu kăn kong pơlê vâ rak ngăn séa ngăn hok tro tung pơla pơtê hriâm, pơtê rơnó mơdrăng, tơniăn , hbrâ mơdât klâk têa.

Gương tơplôu ƀă tơbleăng