Ing hơnăm 2018 troh nôkố, kong pơlê Dak Lak hiăng pơkâ hên hlá mơ-éa chêh tối nhên mâu tơdroăng Tơkêa bro kơjo kum nhâ loăng têa   pơxiâm pêi cheăng pơ’lêh hriăn plĕng ki nếo dêi Tơnêi têa troh hơnăm 2025, Mơjiâng ƀă xúa tung pơxiâm pêi cheăng ƀă Kong thŏng tin điê̆n tưh Pơxiâm pêi cheăng pơ’lêh hriăn plĕng ki nếo dêi kong pơlê; tiô rơnó tơkŭm po mâu rôh tơbleăng “Kơphế mơngế tê mơdró rơkê’’ vâ kơjo kum kuăn pơlê ki pơxiâm pêi cheăng.

Veăng hôp tơpui tơno, Phŏ Yăo sư - Tiê̆n sih Lê Đức Niêm, phŏ pơkuâ Hngêi trung Đại học Tây Nguyên tối, nhâ-loăng-têa tơdroăng pơxiâm pêi cheăng pơhlêh hriăn plĕng ki nếo a Dak Lak dêi a râ má 2, cho râ ki pơxiâm, hâi pê klêi. Xua mê, kal pơtối ai liăn vâ pêi, hnê hriâm... Mâu kăn xuân mơhno mâu tơdroăng ki pêi hâi rơhéa, ối pá nôkố dêi tơdroăng nhâ-loăng-têa ‘na pơxiâm pêi cheăng pơhlêh nếo a Dak lak, ing mê, mơhno mâu troăng hơlâ vâ pơtối mơnhông ‘na nhâ loăng têa tro tiô troăng vâ pêi.