VOV4.Xơ Đăng - Kơxo lơ 26/4 po Rôh hôp tơrŭm kơpong ASEAN ‘na mơdêk pêi pro Tơdroăng tơbleăng Hà Nội ‘na mơdêk Hnoăng cheăng tŏng kum pơlê pơla, pêi pro troh môi Pơlê pơla ASEAN tơrŭm ƀă hbrâ rơnáu hmâ. Tơdroăng cheăng xua Khu xiâm ngăn cheăng pêi mố đô̆i tro rong ƀă rêh ối pơlê pơla tơrŭm ƀă Khu râng liăn Khu lâp kong têa tơkŭm po, ƀă tơdroăng ki veăng dêi mâu ngế ki tơrŭm cheăng tung kơpong tiô tơdroăng ki tơkŭm po ing troăng hyôh Internet.

Veăng a rôh hôp,  mâu kăn kô tơkŭm tơpui tơno tiô túa ki kal, mê cho: Mơdêk ki hlê plĕng ƀă pôu râng hnoăng cheăng dêi rêm pâ ‘na Tơbleăng Hà Nội ƀă mơdêk hnoăng cheăng pơlê pơla, rơtế ƀă tơdroăng pêi pro tơbleăng; tơpui tơno ‘na hnoăng cheăng dêi mâu ngế cheăng tŏng kum pơlê pơla tung mâu kơvâ  cheăng hnê hriâm, khăm pơlât ƀă rak ngăn tơdroăng ki ôh tá tơniăn; tơmiât pro mâu tơdroăng vâ hnê mơhno ‘na hnoăng cheăng pơlê pơla tung mâu kơ koan, kơvâ cheăng ƀă kơxô̆ ngế kăn ƀô̆ pêi cheăng pơlê pơla a mâu kong têa ki tơrŭm cheăng ASEAN.

Katarina Nga tơplôu ƀă tơbleăng