Pôa Tô Lâm, Kăn xiâm pơkuâ hnê cheăng Đảng ăm ‘nâi, ing tơdroăng tơrŭm cheăng tiah hmâ ton nah ƀă mâu hnoăng pêi krá kâk hiăng pêi châ rơhéa, hlê plĕng ƀă loi nhoăm dêi rơpó, tối ăm dêi rơpó ‘nâi mâu tơdroăng ki vâ môi tiah ‘na ki pơxúa ƀă pêi ahdrối, xuân môi tiah mâ ngăn tơdjuôm ‘na tơdroăng kring tơniăn, hơniâp ro kro mơdrŏng, mơnhông krá tơniăn a tung kơpong, Kăn hnê ngăn péa tơnêi têa phiu ro tơbleăng mơdêk tơrŭm cheăng pơla Việt Nam Indonesia tâk Tơrŭm cheăng tung tŭm tơdroăng,  Tơdroăng Việt Nam ƀă Indonesia mơjiâng tơrŭm cheăng tung tŭm tơdroăng cho hdró ki xiâm, po troăng hơlâ chal nếo ăm tơrŭm cheăng kâ pơla péa tơnêi têa tung tâi tâng mâu bâng, mâu kơvâ cheăng, djâ tơdroăng tơrŭm mê rế krá tâ, ai pơxúa tâ, xua vâ pro pơxúa ăm kuăn pơlê péa tơnêi têa, veăng ‘no hnoăng pro hơniâp lĕm, tơniăn, tơrŭm ƀă mơnhông a kơpong ƀă tung lâp plâi tơnêi.

Pôa Prabowo Subianto, Kăn xiâm pơkuâ kong têa Indonesia xuân tối sôk ro châ tơdah pôa Tô Lâm, Kăn xiâm pơkuâ hnê ngăn cheăng Đảng rơtế ƀă mâu kăn rêm râ Việt Nam lăm pôu. Rôh kố, péa pâ hiăng mơdêk tơrŭm cheăng tung tŭm tơdroăng cheăng.