Mơdĭng mê pêi pro hên tơdroăng môi tiah mơdĭng rơkâu pâ xeăng ká, xuăng kơxế tah troh kiâ ‘mêi, hơdruê chèo trạo, mơdĭng apoăng ƀă hơdruê ƀội tiô hmâ ing nah. Kố cho hơnăm ki apoăng po mơdĭng châ tơkŭm po kân rơtế ƀă hên tơdroăng mơhno túa lĕm tro, ôm hyô dêi kong pơlê tơbleăng, mơdĭng  mê ối veăng pơtối rak túa lĕm tro ton nah dêi kuăn pơlê kơpong têa kơxĭ, hlối pro ai tơmeăm khoăng ôm hyô ki krê xêh.

Tung tơdroăng mê ối ai tơ‘noăng ivá a ‘núa prêi têa kơxĭ, tơ‘noăng xap ếo pơtâk ki pro ing tơmeăm khoăng hvât lôi, mơđah hơdruê bài chòi ƀă tơdroăng hơdruê xuăng ăm kuăn pơlê ƀă tơmối ki ôm hyô ngăn.