Mơgêi rôh hôp, Phŏ Ngế pro xiâm hnê ngăn tơnêi têa tối nhên, kal kơnó nhên ƀă lêi tah mâu tơdroăng ki tơvâ tơvân tung pơla chêh pro troăng hơlâ; ôh tá xê xơpá pơkuâ ngăn mê mơdât lơ ôh tá pêi pro. Ki xiâm cho rak tơniăn tơdâng tơ’mô, mơdât tơdroăng ki pro pơxúa ăm tơná ing troăng hơlâ; hlối mơdêk ki tơƀrê tung pơkuâ ngăn tơnêi têa. Phŏ Ngế pro xiâm hnê ngăn tơnêi têa pơcháu ăm Khu xiâm ngăn kơmăi kơmok ƀă tê mơdró chêh xo tŭm mâu rơkong tơpui tối pâ thế vâ chêh pro klêi kơxop hlá mơéa.

Tiah mê, pakĭng hồ sơ tiô pơkâ ‘na nâp hnoăng liăn mơhá kăng kong, khu tơrŭm, ngế krê roê ‘mot athế ‘mot tơ’nôm hlá mơ-éa tối nhên ki xiâm dêi roê ‘mot, tối tơbleăng ăm peăng ki châ diâp, peăng ki tơdah xo ƀă mâu kơxô̆ dêi rơxế vâ xúa tung cheăng pơkuâ ngăn, chêh riân.