Tơpui a leh mơgêi, pôa Nguyễn Xuân Thắng, Kăn pơkuâ Học viện Chính trị quốc gia Hồ Chí Minh rơkâu 44 ngế hiăng hriâm klêi lâm ki hnê tơ’nôm, tăng ‘nâi mâu tơdroăng ki kal ƀă ai hên ki pơxúa, veăng kum mơdêk ki rơkê tung hnoăng cheăng pơkuâ, hnê mơhno pêi pro mâu hnoăng cheăng ki châ pơcháu dêi tơná a mâu kong pơlê tung la ngiâ.

Pôa Nguyễn Xuân Thắng tối tơngah ƀă mâu tơdroăng ki nếo châ hriâm sap ing Lâm hriâm kố, rơtế ƀă mâu tơdroăng ki châ pêi pro tung tơdroăng ki ai khât tung hnoăng cheăng dêi tơná, mâu ngế ki hriâm kô ai tơ’nôm ivá ƀă tơdroăng mơ-eăm, ôh tá la lâi pơtê hriâm ƀối mơdêk ki hlê plĕng, ivá khên tơnôu ‘na tơdroăng cheăng kal kí, djâ troăng ahdrối, ôh tá xâu mâu tơdroăng xơpá, pơloăng mơnúa, khên tơmiât, khên pêi, khên hơ’lêh nếo, tơmiât rơkê, pêi klêi hnoăng cheăng dêi tơná.