Kố cho lâm má môi ƀă 52 ngế Kăn cheăng tung Tíu xiâm Đảng veăng hriâm, hiăng châ hnê tơ’nôm 9 tơdroăng. Mâu tơdroăng cheăng châ hriăn plĕng cho mâu tơdroăng pêi cheăng ton xŏn, ki xiâm, rế thâ dêi tơnêi têa tung hneăng nôkố.

Tơdroăng xiâm dêi mâu tơdroăng cheăng châ hriăn plĕng châ tơ’nôm, tơdjêp mâu tơdroăng lĭ luâ̆n ƀă tơdroăng nếo má môi dêi tơnêi têa ƀă lâp plâi tơnêi, pêi tiô tơdroăng Hneăng hôp kăn teăng mâ lâp tơnêi têa roh má 13 dêi Đảng ƀă mâu Pơkâ dêi Tơnêi têa, dêi Khu xiâm kal kí, Khu xiâm pơkuâ hnê ngăn cheăng Đảng, Kuô̆k hô̆i, Chin phuh sap apoăng hneăng troh nôkố ƀă mâu tơdroăng cheăng châ hriăn plĕng lâp plâi tơnêi xua mâu ngế rơkê mơjiâng Đảng dêi Tơnêi têa pú hmâ tơbleăng túa ki rơkê tơtro ‘na ‘mâi pơhlêh tơkŭm po, khu râ kăn pêi cheăng dêi Đảng ƀă Tơnêi têa.

Xông tơpui mơgêi lâm hnê tơ’nôm, jâ Trương Thị Mai, Kăn  cheăng tung Tíu xiâm Đảng tơ’nôm mâu tơdroăng tơdjâk troh Pơkâ hneăng hôp 13; tối ‘na túa ki rơkê tơtro, tơ’nôm ‘na lĭ luâ̆n vâ ai tơdroăng ki loi tơngah, khên tơnôu khu cheăng kal kí vâ pơtối tơdah tơdroăng cheăng tung la ngiâ tiô tơdroăng ki xing xoăng dêi Đảng.