A rôh leh mâu kăn tối nhên, Tơdroăng kố hiăng veăng kum hvái ngăn mâu tơdroăng ki hiăng pêi pro klêi Pơkâ Hneăng hôp 13 dêi Đảng a mâu kơpong têa kơxĭ, chuăn rơlố sap ing apoăng hneăng troh nôkố. Tơdroăng kố ai 3 tơdroăng ki xiâm ƀă mâu inâi: ‘Hiâm mơno kơchăng têa kơxĭ”, “Việt Nam ngăn troh tơdroăng mơdrŏng sap ing têa kơxĭ”; “Việt Nam tơmiât troh ki rơdêi ing têa kơxĭ”.

Ing tơdroăng kố hiăng veăng kum mâu kăn ƀô̆, đảng viên, mâu kuăn pơlê, lêng tung khu lêng kring vế tơniăn hlo nhên mâu tơdroăng ki ai hlâu kân kĭn ƀă ki pơxúa dêi Tơnêi têa – Tơnêi têa ai têa kơxĭ, ing mê, veăng kum tơbêng hiâm mơno pâ nhuô̆m tơnêi têa, hiâm mơno hâk tơngăm, tơdroăng ki mơnhông hdroâng kuăn mơngế, hiâm mơno khŏm mơ-eăm rak vế hnoăng pơkuâ têa kơxĭ chuăn rơlố dêi tơnêi têa.

Drêng kố, pôa Đỗ Tiến Sỹ, ngế xiâm pơkuâ Rơ’jíu xiâm Việt Nam hiăng diâp Kỷ niệm chương “Xua tơdroăng cheăng tơpui tung rơ’jíu” ăm mâu ngế krê ki rơkê tung tơrŭm pêi pro tơdroăng.