VOV4.Xơ Đăng - Hâi lơ 13/5, a pơlê kong kơdrâm Ƀuôn Ma Thuột, Khu xiâm pơkuâ ‘na pêi chiâk deăng ƀă mơnhông thôn pơlê tơrŭm ƀă Vi ƀan kong pơlê Dak Lak tơkŭm po leh mơhnhôk măng tĭng leh Tơnêi têa, têa krúa ƀă mơgrúa kong prâi hơnăm 2022. Ƀă dó inâi ‘’Pơkuâ, pro ăm kơtâu pêi cheăng, xúa krá tơniăn mâu tíu hdoăng têa ƀă mơgrúa thôn pơlê’’, Măng tĭng leh Tơnêi têa, têa krúa ƀă mơgrúa kong prâi hơnăm kố vâ mơdêk hlê plĕng, pôu râng hnoăng cheăng dêi rơpŏng, pơlê pơla ƀă khu râ kăn pơkuâ tung tơdroăng pơkuâ xúa, pro pêi cheăng tíu hdoăng xing xoăng têa krúa thôn pơlê tơniăn vâ rak vế ivá, hbrâ mơdât pơreăng, mơdêk tơdroăng rêh ối, tơmiât troh pơkâ mơnhông mơdêk krá tơniăn.

Tâi tâng a leh mơhnhôk

Tiô xêo nôkố kơxô̆ mơngế pêi chiâk deăng a thôn pơlê xúa têa krúa lâp tơnêi têa châ 90%; 96% hngêi trung hriâm, hngêi pơkeăng cheăm ai tíu hdoăng xing xoăng têa krúa vâ ô hum rôh jíu.

A Sa Ly tơplôu ƀă tơbleăng