Kăn pơkuâ péa to kong pơlê Dak Nông, Lâm Đồng hiăng môi tuăn kơjo gum ‘no liăn ‘mêng rơnêu troăng kân 28 troăng ki tơkâ luâ Gia Nghĩa – Dak Som – Di Linh ƀă  ki xŏn dâng 104 km.

Troăng ki kố ối rak hnoăng cheăng ki kal tung tơdjêp troăng kân 14 ƀă troăng kân 20, mơnhông tơƀrê ki ai hlâu tung mơnhông cheăng kâ dêi kơpong. Péa kong pơlê xuân hiăng môi tuăn pêi pro tơdroăng tơkêa pro troăng ki nếo sap ing Gia Nghĩa 9Dak Nông) troh Bảo Lâm (Lâm Đồng), pro ‘nâng ‘nâi  troăng prôk troh a Bảo Lộc dâng 25km, kơdroh ki hâ ho a troăng kân 28, tơdrêng amê hlối tơdjêp  tíu xiâm pêi cheăng ƀă kơmăi kơmok bo xit Tân Rai ƀă Nhân Cơ, cho péa tơdroăng tơkêa ki kal dêi kơpong.

 Mâu kong pơlê xuân pơkâ mơdêk tơdroăng lăm ngăn troăng kân tơdrăng tơdjêp Pơlê kong kơdrâm Phan Thiết (Bình Thuận), Pơlê kong kơdrâm Đà Lạt (Lâm Đồng), Pơlê kong kơdrâm Gia Nghĩa (Dak Nông) vâ rah túa pơkâ ‘no lian pro tiah lâi ăm gá achê má môi, kơdĭng má môi.