Ƀă tơdroăng ki veăng pêi kơtăng dêi rêm râ, mâu kơvâ cheăng, malối cho hnoăng cheăng ki xiâm dêi khu lêng Kŏng an, tơdroăng tơ’noăng tâi tâng kuăn pơlê rak vế gâk kring Tơnêi têa a kong pơlê Dak Nông hiăng ai mâu tơdroăng ki pơhlêh, tơ’mot hên khu lêng Kuăn pơlê veăng ƀă hên tơdroăng ki kal, túa pêi ki rơkê, po rơdâ châ hên túa pêi cheăng tơƀrê tiô troăng ki hbrâ mơdât xêh, rak ngăn, rak vế a pơlê cheăm.

Vâ tơdroăng kố rế hía rế kal, pơxúa, tơƀrê, pôa Lê Văn Tuyến, phŏ ngế xiâm ngăn Kŏng an pơkâ thế râ Đảng, kăn pơkuâ, Măt trâ̆n Tơnêi têa, mâu khu cheăng kal kí, pơlê pơla, mâu tíu ki hnê hriâm sap ing kong pơlê troh tơring cheăm ƀă hên hĭn kuăn pơlê pơtối mơdêk ki hlê plĕng ‘na hnoăng cheăng, tíu ối, tơdroăng ki kal dêi tơdroăng tâi tâng kuăn pơlê rak vế gâk kring Tơnêi têa; tơkŭm mơjiâng ki rơdêi gâk kring kuăn pơlê, tuăn mơno châ kuăn pơlê loi khât ƀă tơdroăng tơ’noăng tâi tâng kuăn pơlê krá rơdêi a tơring cheăm.