VOV4.Xơ Đăng - Tung rôh tơdah Khu kăn cho mâu ngế ki ai hnoăng kong pơlê Dak Nông prếi pơlê kong kơdrâm Tam kỳ, kong pơlê Quảng Nam dêi Khu xiâm ngăn cheăng pêi mố đô̆i tro rong ƀă rêh ối pơlê po a kơxê lơ 10/6, a Hà Nội, hên ngế ki ai hnoăng rơhêng vâ, hnoăng cheăng tí tăng, tơkŭm kơxêng kiâ mô đô̆i hlâ ƀă mơnhên inâi kơxêng kiâ mố đô̆i ki tá hâi ‘nâi inâi châ mơdêk tâ nếo.

A rôh tơdah, teăng mâ Khu mau ngế ki ai hnoăng kong pơlê Dak Nông prế pơlê kong kơdrâm Tam Kỳ, kong pơlê Quảng Nam tối nhên: ‘Mâi rơnêu troăng hơlâ kơjo kum mâu ngế ki ai hnoăng ƀă kăch măng đi đo châ Đảng ƀă Tơnêi têa tơmâng ngăn khât. Laga, môi tung mau tơdroăng ki mâu ngế ai hnoăng rơhêng vâ, mê cho hnoăng cheăng tí tăng, tơkŭm mâu kơxêng kiâ mố đô̆i ƀă mơnhên inâi kơxêng kiâ mố đô̆i mê kal châ mơdêk ta nếo.

Khu kăn cho mâu ngế ki ai hnoăng pôu Hà Nội Khu xiâm ngăn cheăng pêi mố đô̆i tro rong ƀă rêh ối pơlê pơla tơbâ 75 hơnăm Hâi mố đô̆i rong ra, hlâ hía lơ 27/7

Tơpui a rôh tơdah, pôa Nguyễn Bá Hoan, ngế xiâm phŏ ngăn cheăng pêi mố đô̆i rong ƀă pơlê pơla tối nhên ƀă mâu tơdroăng ki tơvâ tơvân tung pơkâ tơleăng hồ sơ dêi mâu ngế ki ai hnoăng, hnoăng cheăng tí tăng, tơkŭm kơxêng kiâ mố đô̆i ƀă mơnhên inâi kơxêng kiâ mố đô̆i ki tá hâi ‘nâi nhên mê maluâ trâm hên xơpá troh dâng lâi xuân athế pơtối pêi.

Katarina Nga tơplôu ƀă tơbleăng