Mâu kăn cheăng tung Vi ƀan pơkuâ Kuô̆k hô̆i môi tuăn ƀă tơdroăng ki kal rơnêu mâu kơxop hlá mơ-éa: Luât Hbrâ mơdât, tê roê mơngế ki ‘mâi hơ’lêh; Luât nâp hnoăng liăn mơhá ki kơnía mơdêk ‘mâi hơ’lêh; Luât Trếo pơreăng ki ‘mâi hơ’lêh: Luât Pơkuâ ngăn, xúa pháu hnêa, trếo pơtôu ƀă kế tơmeăm tŏng kum ki ê ki ‘mâi hơ’lêh. Hồ sơ hiăng châ chêh bro tŭm, tro pơkâ.

Kăn xiâm hnê ngăn Kuô̆k hô̆i Vương Đình Huệ ai tối tiah kố: mâu tơdroăng ki kal dêi kơxop hlá mơ-éa Luât athế tro ƀă Luât Pơkâ hlá mơ-éa pơkâ ‘na luât. Mâu tơdroăng pơkâ ‘na Tơdroăng mơjiâng luât, luât pơkâ kal pơkâ nhên tung pơla hriăn ngăn, chêh pro klêi luât. Ƀă mâu tơdroăng ki dế nếo trâm troăng hơlâ nếo lơ ai rơnêu, ‘mot tơ’nôm troăng hơlâ tŏng kum, kal mơnhên tối nhên ngế ki chêh.

Kăn xiâm hnê ngăn Kuô̆k hô̆i Vương Đình Huệ xuân pơchân mâu Khu xiâm kơvâ cheăng, tung mê Khu xiâm mơjiâng luât tí tăng ‘nâi plĕng ăm Chin phuh kal kơdroh mâu tơdroăng tơkêa pơtroh ăm Vi ƀan pơkuâ Kuô̆k hô̆i séa ngăn pơkâ ‘mot tơ’nôm tung Tơdroăng.