Veăng hôp mê ai 245 ngế teăng mâ ăm lối 77 rơpâu ngế tung lâp kong pơlê. Pơtối rak ki tơnôu, pleăng hnoăng tơná a mâu hơnăm ối nếo, hneăng hdrối droh rơtăm Kon Tum hiăng tơ’noăng tung tŭm kơvâ cheăng veăng mơjiâng, mơnhông kong pơlê Kon Tum rế kro mơdrŏng ƀă rế tơniăn lĕm.

Hneăng ki nếo hơnăm 2024- 2029, Khu ngăn Droh rơtăm Việt Nam kong pơlê Kon Tum ki iâ ai 25 tơdroăng cheăng kơjo gum mâu vâi droh rơtăm kuăn ngo pơtối rak túa lĕm tro dêi hdroâng kuăn ngo; 350 rơpâu xôh ngế tung khu, droh rơtăm veăng pleăng hnoăng tơná pêi peo mâu tơdroăng cheăng xua rêm râ tơkŭm po...

Hneăng hôp khu Droh rơtăm Việt Nam kong pơlê Kon Tum má 8, hneăng hơnăm 2024-2029 hôp rah xo ngế ki cheăng tung  Vi ƀan hneăng ki nếo ai 35 ngế; rah xo nâ Y Việt Sa, kăn phŏ pơkuâ ngăn Đoân Droh rơtăm kong pơlê to pro Kăn hnê ngăn Khu Droh rơtăm Việt Nam kong pơlê Kon Tum má 8, hneăng hơnăm 2024-2029.