Péa pâ tối phiu ro ‘na klêi kơ’nâi rôh tơniăn lĕm dêi Rôh Hôp tơpui tơno tơrá khu kăn xiâm pơkuâ pơla kăn xiâm pơkuâ hnê ngăn Đảng Nguyễn Phú Trọng prế kăn xiâm pơkuâ hnê ngăn Đảng, Kăn xiâm hnê ngăn kong têa Sinuâ Tập Cận Bình.

Jâ Trương Thị Mai prế  pôa Thái Kỳ môi hdroh nếo tối nhên mâu tơdroăng mơnhông ki kal, ai pơxúa ƀă tŭm têk dêi tơrŭm cheăng pơla péa Đảng, péa Tơnêi têa tung tâi tâng mâu kơvâ cheăng, mot trâu hngế tung tơdroăng ki tối tơbleăng ăm dêi rơpó mâu tơdroăng cheăng ƀă tơdroăng tơrŭm pơla péa Đảng, péa tơnêi têa; tơkŭm tơpui tơno ‘na mâu túa pơkâ ƀă troăng hơlâ ki xiâm vâ pơkâ kơtăng ki hlê plĕng tơdjuôm khu râ kăn xiâm ƀă tơrŭm cheăng pơla péa Đảng, péa tơnêi têa; péa pâ môi tuăn mơdêk tâ nếo tơƀrê dêi mâu troăng tơrŭm cheăng Đảng; pơtối mơdêk rơdêi tâ nếo trâm mâ, tơpui tơno, tơrŭm tung Chin phuh, Kuô̆k hô̆i, Măt trâ̆n Tơnêi têa; mơdêk tơrŭm cheăng lêng, gâk kring; mơdêk tơƀrê tơrŭm ai pơxúa ‘na cheăng kâ, tê mơdró, ‘no liăn cheăng, tơdjêp péa tơnêi têa cheăng kâ rế hía rế rế krá rơdêi, trâu hngế.