VOV4.Xơ Đăng - Kơxo lơ 4/5, Vi ƀan hnê ngăn kong pơlê Sơn La hiăng hôp Khu tơkŭm po Rôh hôp Ngế pro xiâm hnê ngăn Chin phuh tơpui tơno ƀă kuăn pơlê ki pêi chiâk deăng; Festival plâi kâ ƀă kế tơmeăm OCOP Việt Nam hơnăm 2022 a kong pơlê Sơn La. Tung mê, Rôh hôp dêi Ngế pro xiâm hnê ngăn Chin phuh tơpui tơno ƀă kuăn pơlê ki pêi chiâk deăng kô po a hâi lơ 22/5. Rôh hôp châ tơkŭm po ‘no tơdrêng a Tíu xiâm po Rôh hôp kong pơlê Sơn La ƀă ‘no tơdrêng ing hyôh Internet troh mâu tíu mơ’no dêi 62 to kong pơlê, pơlê kong kân tung lâp tơnêi têa.

Ngế pro xiâm hnê ngăn Chin phuh kô tơpui tơno ƀă kuăn pơlê pêi chiâk deăng Việt Nam a Sơn La

Troh nôkố, hnoăng cheăng hbrâ rơnáu, tơrŭm tơkŭm po tơdroăng Ngế pro xiâm hnê ngăn Chin phuh tơpui tơno ƀă kuăn pơlê pêi chiâk deăng Việt Nam, Festival plâi kâ ƀă kế tơmeăm OCOP Việt Nam hơnăm 2022 dế po tơniăn lĕm, rak vế tơdroăng ki pơkâ mơ’no.

Katarina Nga tơplôu ƀă tơbleăng