A chôu phut trâm mâ mê, Ngế pro xiâm hnê ngăn loi tơngah tiah kố, ƀă hnoăng cheăng ki rơkê plĕng tung kơvâ tơrŭm tơpui kâ, Kăn teăng mâ kong têa Italia kô ai hnoăng cheăng ki rơkê plĕng kân khât a Việt Nam; vêh mơnhên Việt Nam ngăn nhoăm ƀă pói rơhêng vâ pơtối châ thăm mơdêk, pêi pro trâu rơdâ tâ tơrŭm cheăng krá tơniăn ton pơla Việt Nam ƀă Italia; peăng Việt Nam kô tŏng kum tơ’lêi hlâu má môi vâ Kăn teăng mâ châ pêi pro kêi đeăng dêi hnoăng cheăng.

Ngế pro xiâm hnê ngăn prế Kăn teăng mâ hiăng mơhno tối tơdroăng ki hơniâp ro drêng ai tơdroăng mơnhông trâu rơdâ dêi tơrŭm cheăng krá tơniăn ton pơla Việt Nam ƀă Italia tung rêm kơvâ cheăng ki tơrŭm. Tơdrêng amê, tơrŭm cheăng krá tơniăn, krá kâk a mâu hneăng hôp, tơpui tơno hên khu râ môi tiah hneăng hôp dêi Khu lâp kong têa, hneăng hôp pơla ASEAN ƀă Châu Âu, Việt Nam cho kong ki tơdjêp thăm mơdêk tơrŭm cheăng kâ, tê mơdró pơla Italia ƀă Châu Âu ƀă ASEAN, Italia cho kông ki tơdjêp pơla Việt Nam ƀă Châu Âu.