Hâk phiu Kăn xiâm hnê ngăn Grup Adani lăm pôu pêi cheăng a Việt Nam ƀă rơkâu Adani pơtối mơnhông, Ngế pro xiâm hnê ngăn Chin phuh hâk ro, sôk suâ, xua hlo Tơrŭm cheăng krá tơniăn ton tung tum têk kơvâ cheăng pơla péa pâ tơnêi têa Việt Nam - Ấn Độ dế mơnhông tơƀrê khât tung rêm mâu kơvâ cheăng, maluâ tơrŭm cheăng kâ tá hâi teăm tơxâng ƀă tơdroăng ki hiăng ai hlâu.

Ngế pro xiâm hnê ngăn Phạm Minh Chính hâk ro sôk suâ châ ‘nâi Grup Adani hiăng Po Ƀơrô pêi cheăng teăng mâ a Việt Nam ƀă mơjiâng tơdroăng pơkâ mơ’no liăn hên, ton hơnăm a Việt Nam. Ngế pro xiâm hnê ngăn vêh mơnhên, Việt Nam kô tŏng kum, tŏng kum pro tơ’lêi hlâu ăm khu mơdró kâ, tung mê ai khu mơdró kâ Ấn Độ tối tơdjuôm ƀă Adani tối krê pơkâ pêi pro mâu tơdroăng cheăng mơ’no liăn ngân vâ mơdró kâ châ tơƀrê ƀă tơniăn a Việt Nam, veăng kum kơhnâ khât tung mơjiâng tơrŭm cheăng krá tơniăn ton xŏn, tŭm têk mâu kơvâ cheăng pơkâ 2 pâ tơnêi têa rế hía rế mơnhông tơtêk.