A rôh tơdah, Péa pâ khĕn kơeăn ki mơnhông rơdêi tung tơrŭm cheăng a tâi tâng mâu tơdroăng cheăng pơla péa tơnêi têa. Tơdroăng tơrŭm kal kí rế hmâ achê krá kak ƀă loi nhoăm dêi rơpó. Mâu tơdroăng tơrŭm cheăng kal ki ê mê cho ‘na cheăng lêng, kring gak tơniăn, tê mơdró, túa lĕm tro, hnê hriâm ƀă hnê mơjiâng tuăn ngôa rơkê pơla mâu kong pơlê dêi Việt Nam - Lếo xuân châ tơmâng mơdêk ƀă rôh apoăng hlo tơƀrê nếo.

Ngế pro xiâm hnê ngăn Chin phuh Phạm Minh Chính pơkâ thế mâu khu xiâm, kơvâ cheăng ki tơdjâk troh péa tơnêi têa thâ séa ngăn mâu tơdroăng tơrŭm cheăng; tơrŭm tơleăng mơnhên mâu tơdroăng ối tơvâ tơvân dêi mâu tơdroăng tơkêa bro ki kal; rơtế mơ-eăm mơnhông tơrŭm cheăng péa tơnêi têa pơxiâm pêi tiô troăng nếo, rế mơnhông rơdêi ƀă hlối tơƀrê pơxúa tâ.