Nôkố, Việt Nam ai vâ chê 910 rơpâu khu mơdró dế pêi cheăng hên luâ tâ 3 hdroh tâng vâ pơchông ƀă hơnăm 2011, dâng 14,1 rơpâu khu pêi cheăng tơrŭm ƀă lối 5 rơtuh rơpŏng khu mơdró, kơpong pêi cheăng  ‘no hnoăng veăng lối 60% GDP, dâng 30% tung tâi tâng kơxô̆ mơngế dé pêi cheăng. Mâu khu mơdró ki ai mâ a tâi tâng mâu kơvâ cheăng, tơdroăng cheăng pêi chiâk pro tơmeăm, tê mơdró  hiăng pơ eăng troh lâp lu, mơhno ki pơxúa tung inâi mơ-eăm mơdêk troh kơpong ƀă lâp plâi tơnêi.

Tơbleăng a rôh leh, teăng mâ Chin phuh, Ngế pro xiâm hnê ngăn tơnêi têa khê̆n kơdeăn , tơmâng xo ƀă  khê̆n kơdeăn khât hnoăng veăng ‘no  dêi mâu  khu mơdró , mâu ngế mơdró kâ hơnăm ối nếo Việt Nam tung tơdroăng mơjiâng ƀă mơnhông tơnêi têa. Pakĭng mê xuân khê̆n kơdeăn ƀă tơmâng xo hnoăng pêi dêi Khu mơdró hơnăm ối nếo Việt Nam hiăng tơrŭm môi tuăn  mơjiâng ƀă mơnhông tơnêi têa. Pakĭng mê xuân khê̆n kơdeăn ƀă mơnê hnoăng dêi khu mơdró hơnăm ối nếo Việt Nam hiăng môi tuăn, kăn pơkuâ hnê mơhno tung tơdroăng mơhnhôk khu mơdró hơnăm ối nếo tung 30 hơnăm hdrối. Ngế pro xiâm hnê ngăn tơnêi têa tối nhên, Chin phuh đi đo hlê , tơmâng ƀă kô pơtối ai troăng rơhlâ veăng kum  khu mơdró ki mơ-eăm tơkâ luâ xơpá , mơnhông tâ nếo xuân môi tiah pơtối rơtế veăng kum Khu mơdró hơnăm ối nếo Việt Nam pơtối mơnhông rơdêi.