Ngế pro xiâm hnê ngăn tơnêi têa tơmâng xo, khĕn ƀă kơdeăn mâu khu xiâm, kơ koan, kong pơlê, mâu khu râ kơvâ cheăng hiăng tơkŭm pêi tro mâu tơdroăng cheăng hdrối ƀă tung pơla pơtê Têt hơnăm nếo.

Ngế pro xiâm hnê ngăn tơnêi têa pơkâ thế mâu khu xiâm kơ koan, kong pơlê, khu tơrŭm cheăng, mơngế ki tơdjâk troh klêi pơtê Têt hơnăm nếo thế rĕng lo pêi cheăng ƀă tơdroăng “rĕng pêi cheăng, pêi hlối” tro tiô hnê mơhno dêi Khu kăn hnê ngăn; hnê pêi tiô troăng hơlâ, xiâm ing tuăn tơmiât , mâ ngăn; mơ-eăm pêi hlối ing tơdroăng pơ’lêh nếo, hriăn plĕng ki nếo; ivá rơdêi pơxiâm ing Kuăn pơlê, Khu mơdró, “kơdĭng hâi chôu, nhoăm tuăn ngôa rơkê”; pêi kơtăng, hbrâ hdrối, hriăn plĕng ki nếo tâ tung pêi cheăng pơkuâ hnê mơhno, vâ tơdroăng cheăng tơbrê ƀă tuăn vâ “hiăng mơ-eăm tâi ivá thế mơ-eăm tâ nếo, hiăng kơnhing pêi athế khŏm kơnhing tâ nếo, hiăng pêi thế pêi hlối pêi kơtăng tâ nếo”; mơhnhôk pêi  cheăng rơdêi ‘na cheăng kâ tê mơdró, kum kuăn pơlê ai cheăng pêi, tăng cheăng pêi ăm kuăn pơlê, tơniăn rêh ối tŭm tơdroăng, tiô túa nếo, krá kâk, mơ-eăm pêi cheăng tâk GDP hơnăm 2026 châ sap 10% tơngi klêng rơtế ƀă kring tơniăn cheăng kâ kân, mơnhên ngăn liăn ôh tá kơnâ, tơniăn tơdâng kân cheăng kâ.