VOV4.Xơ Đăng - Kơxo lơ 29/5, tơdroăng kal châ pói vâ má môi tung hơnăm dêi kuăn pơlê pêi chiâk deăng Việt Nam tơkŭm po ing pơkuâ dêi pôa Phạm Minh Chính, Ngế pro xiâm hnê ngăn tơnêi têa. Hneăng hôp Ngế pro xiâm hnê ngăn Chin phuh tơpui tơno ƀă kuăn pơlê pêi chiâk deăng Việt Nam ƀă dó inâi ‘’Trâm mâ, tŏng kum kuăn pơlê pêi chiâk deăng, pro tơniăn, mơnhông mơdêk pêi chiâk deăng, kơpong pêi chiâk deăng krá tơniăn’’ xua Khu xiâm pơkuâ kuăn pơlê pêi chiâk deăng Việt Nam, tơrŭm ƀă Tĭnh ŭy, Vi ƀan kong pơlê Sơn La tơkŭm po.

Ngế pro xiâm hnê ngăn Chin phuh tơpui tơno ƀă kuăn pơlê pêi chiâk deăng Việt Nam

Xông tơpui mơgêi hneăng hôp, pôa Phạm Minh Chính tối nhên mâu tơdroăng, ki xiâm dêi tơpui tơno a Hneăng hôp tơpui tơno kum tơ’nôm xiâm kối ki ai khât vâ mơjiâng troăng pêi cheăng ton xŏn mơnhông mơdêk pêi chiâk deăng, kơpong pêi chiâk deăng krá tơniăn, mơdêk tơdroăng rêh ối kuăn pơlê. ‘Na mâu hnoăng cheăng, troăng pêi ki nhên, Ngế pro xiâm hnê ngăn tơnêi têa tối nhên 9 tơdroăng, tung mê tối rơdêi: Kal hlê plĕng tŭm pêi pro kơtăng ƀă po rơdâ châ tơƀrê mâu pơkâ dêi Đảng; mơdêk hnoăng cheăng, tíu cheăng, ivá pơkuâ dêi kuăn pơlê, ki má lối cho tơdroăng tiô troăng ‘’kuăn pơlê pêi chiâk deăng hlê plĕng hên’’ vâ chiâng xúa kơmăi kơmok tung pêt mơjiâng tơmeăm, tê mơdró ƀă kô chiâng pro kro mơdrŏng ing pêi chiâk deăng.

A Sa Ly tơplôu ƀă tơbleăng