VOV4.Xơ Đăng - Xuân tung kơxo lơ 28/4 pôa Phạm Minh Chính, Ngế pro xiâm hnê ngăn tơnêi têa lăm pôu, mơhnhôk hơlêm, ƀă hbru tơmeăm ăm mâu hok tro kơtiê xơpá dêi Hngêi trung râ má pái hnê kuăn ngo ai tíu kâ koi ối pơtê Huỳnh Cương, kong pơlê  Sóc Trăng. Tơpui tơno ƀă kăn hnê ngăn kong pơlê Sóc Trăng ƀă kăn pơkuâ hnê ngăn hngêi trung, Ngế pro xiâm hnê ngăn tơnêi têa khe\n kơdeăn tơdroăng hriâm tâp, tơdroăng hnê dêi mâu thái cô ƀă tơdroăng hriâm dêi mâu vâi o hok tro akố, hiăng mơ-eăm tơkâ luâ tơdroăng pá, mơ-eăm rêm hâi vâ hnê rơkê, hriâm rơkê.

Ngế pro xiâm hnê ngăn lăm pôu, mơhnhôk mâu tháu hok tro Hngêi trung  râ má pái hnê kuăn ngo ai tíu kâ koi ối pơtê Huỳnh Cương kong pơlê Sóc Trăng

Tơbâ rơkong ki Pôa Hồ tối “Xua vâ pro pơxúa 10 hơnăm pêt loăng, xua vâ pro pơxúa hrĭng hơnăm hnê mơjiâng kuăn mơngế”, Ngế pro xiâm hnê ngăn tơnêi têa púi vâ mâu thái cô ƀă hok tro hngêi trung Huỳnh Cương kô pơtối rak vế pêi pro tơdroăng ki le\m tro ton nah, mơnhông mơdêk tâi tâng, châ tơ-ƀrê hên tâ nếo tung hnê ƀă hriâm.

Ngế pro xiâm hnê ngăn tơnêi têa púi vâ ƀă loi khât, ƀă tơdroăng tơmâng khât dêi mâu kăn rêm râ, loi khât ƀă tơngah dêi nôu pâ, hiâm mơno dêi mâu thái cô, púi vâ dêi mâu hơnăm ối nếo, mâu vâi o, vâi o hok tro mơ-eăm hriâm, hriâm tơdroăng ki le\m vâ pơ’lêh tơdroăng rêh ối dêi tơná veăng ‘no hnoăng mơjiâng pơlê xiâm, tơnêi têa rế ton rế kro mơdrŏng.

Gương tơplôu ƀă tơbleăng