Kố cho rôh pôu ki kal khât po tung pơla tá hâi châ 2 măng tĭng klêi rôh pôa Tô Lâm, Kăn xiâm pơkuâ hnê ngăn cheăng Đảng pôu Singapore. Tơdroăng kố ăm hlo tơrŭm cheăng pơla péa Việt Nam ƀă Singapore nôkố dế mơnhông tơniăn lĕm ƀă kăn pơkuâ dêi péa pâ xuân tơmâng ngăn khât ƀă mơhno tơdroăng khŏm mơeăm mơdêk tơrŭm cheăng kố. Rôh lăm pôu kố cho rôh vâ kăn pơkuâ péa pâ kô pơtối tơpui tơno mâu tơdroăng ki kal ki péa pâ hiăng tối tung rôh lăm pôu dêi kăn xiâm pơkuâ hnê ngăn cheăng Đảng troh Singapore pơla hdrối nah, gium tơbleăng mâu tơdroăng ki kal tung tối tơbleăng ‘na mơnhông tơrŭm cheăng kong têa tơrŭm tung la ngiâ tŭm têk pơla Việt Nam ƀă Singapore.

Tung rôh lăm pôu dêi Ngế pro xiâm hnê ngăn kong têa Singapore troh Việt Nam rôh kố, tâi tâng mâu kăn pơkuâ dêi Việt Nam pơrá kô ai mâu rôh trâm kăn pơkuâ dêi Singapore.