Ngế pro xiâm hnê ngăn tơnêi têa tối, kố cho tơdroăng hâk tơngăm ƀă Khu kăn Đảng dêi Chin phuh ƀă Đảng ƀô̆ Ƀơrô Chin phuh. Ngế pro xiâm hnê ngăn tơnêi têa tối nhên, tung plâ pêi cheăng, veăng pêi tơdroăng cheăng dêi kăch măng, pôa Phạm Gia Khiêm ƀă pôa Trương Hòa Bình hiăng pêi luâ hên tơdroăng cheăng, hnoăng cheăng pêi, xo pêi hên troăng cheăng pro kăn tung mâu tơdroăng cheăng pơrá phá. 

Mơhé ối alâi, pro kăn ki lâi, péa ngế kăn đi đo mơ-eăm pêi tro tơdroăng cheăng hiăng kâ pơcháu tơdroăng rơkê dêi Đảng; môi tuăn ƀă Đảng, ƀă Tơnêi têa ƀă Kuăn pơlê; rak hiâm mơno lĕm tro dêi kăch măng dêi Đảng Kŏng sản, ôh tá la lâi pơtê hriâm, hriâm pât tơná, hriâm tơdroăng ki lĕm, ‘nâi mơ-eăm pêi cheăng tâi ivá tơná, pêi tâi mâu hnoăng cheăng ki hiăng pơcháu.