VOV4.Xơ Đăng - Hâi lơ 17/4, Phạm Minh Chính, Ngế pro xiâm hnê ngăn Chin phuh ƀă Khu kăn cheăng tung Chin phuh hiăng pêi cheăng ƀă mâu kăn xiâm kong pơlê Ninh Thuận ‘na tơdroăng pêi pro tiô pơkâ tung hơnăm 2021, pái khế apoăng hơnăm 2022 ƀă troăng rơhlâ hơnăm 2022; tơdroăng pêi pro 3 hơnăm tiô pơkâ 115 dêi Chin phuh. Tơbleăng a hâi pêi cheăng, pôa Phạm Minh Chính ăm ‘nâi, hneăng hôp tối, hvái ngăn Ninh Thuận hiăng pêi pro, mâu tơdroăng hâi pêi pro tro tung hơnăm hdrối, tối nhên ki xiâm, tối troăng rơhlâ ki kân tung hơnăm 2022 ƀă tung la ngiâ; ing mê pơkâ hneăng hôp má 13 dêi Đảng, pơkâ 5 hơnăm, troăng hơlâ 10 hơnăm mơnhông mơdêk cheăng kâ rêh ối tơnêi têa; Pơkâ Hneăng hôp kân Đảng ƀo# kong pơlê, mâu pơkâ tơdroăng kal dêi Tíu xiâm, kal tơkŭm pêi rơkê, tơtro ƀă tơdroăng rêh ối a kong pơlê.

Ngế pro xiâm hnê ngăn tơnêi têa pêi cheăng [ă kong pơlê Ninh Thuận

Tung la ngiâ, kong pơlê kal pơtối rak ki rơdêi ‘na tơmeăm khoăng ki phá tơ ê, rôh ki hlo hên, ki tơ’lêi hlâu tơbriât, pro pơleăng mơnúa chiâng rôh ki tơ’lêi, pro chiâng rôh vâ pêi pro ki nếo, mơngế nếo, pro rơhêng vâ nếo, tơdroăng ăm hlo nếo ki mơnhông tơ-brê, pro pơxúa ăm tơdroăng rêh ối rế phâi tơtô, hơniâp le\, ăm kuăn pơlê.

Gương tơplôu ƀă tơbleăng