Tung mê, Ngế pro xiâm hnê ngăn tơnêi têa pơkâ thế mơdêk mơ’no liăn cheăng tơnêi têa, Tơdroăng pro tơniăn, 3 Tơdroăng pơkâ xiâm tơnêi têa, tơkŭm tah lôi pá puât ăm pêt mơjiâng tơmeăm tê mơdró; mơdêk pro tơ’lêi, mơhnhôk ƀă xúa châ tơƀrê mâu kơxô̆ liăn, pêi pro kơtăng, tâi tâng ƀă tơdâng tơ’mô mâu troăng hơlâ, troăng pêi ‘na xo hnoăng mơhá, kơxô̆ liăn, tê mơdró, mơ’no liăn cheăng ƀă hía hé hiăng tơbleăng ăm pêi pro. Ki má lối Ngế pro xiâm hnê ngăn tơnêi têa pơkâ tơkŭm mơnhông rơdêi mâu kơvâ cheăng, kơvâ ki xiâm cho ‘na kơmăi kơmok.

Mơdêk rơdêi pêt mơjiâng tơmeăm pêi lo ing chiâk deăng, ki má lối cho tơmeăm kâ, kơchâi kâ, mơnhông kơmăi kơmok uâ mơdiê tơmeăm pêi lo ing chiâk deăng ƀă mâu tơmeăm pêi lo ing chiâk deăng ki dâi lĕm, ki kơnâ tâk hên; Xúa lĕm tro roh tơ’lêi hlâu tê ngi kong têa ê tơmeăm pêi lo ing chiâk deăng, tơniăn bê kế kâ tơnêi têa.