Tối tơbleăng a kố, Ngế pro xiâm hnê ngăn tơnêi têa Phạm Minh Chính tối nhên, hneăng lăm pôu ngăn Bo cheăng kố vâ tơbleăng pêi tơdroăng tơhrâ pơla mâu kăn xiâm dêi péa tơnêi têa Việt Nam - Sinuâ; mâu  kŏng an, mâu lêng, Mối đô̆i gak tơkăng kong, mâu khu xiâm, kơvâ cheăng, pơlê cheăm tơring, kong pơlê kĭng tơkăng kong thế mơjiâng pơkâ, tơdroăng vâi pêi, tơdroăng tơkêa bro tơhrâ pơla mâu kăn; tơbleăng pêi troh a pơlê cheăm.

Ngế pro xiâm hnê ngăn tơnêi têa pơkâ thế kring vế tơniăn, hnoăng pơkuâ, tâi tâng lâp tơnêi têa, thế kring gak tơniăn troăng tơkăng kong rak hơniâp lĕm, tơrŭm tơrôa ƀă mơnhông mơdêk; rêm ngế kuăn pơlê cho môi tơniăn hdró kring gak tíu tơkăng kong; thế mơ-eăm ví tŭm tơdroăng pôi tá ăm ai tơdroăng ki ôh tá tơniăn, tơplâ tơplong, tơdroăng ki ôh tá tơniăn.