Ngế pro xiâm hnê ngăn tơnêi têa tối nhên, hneăng hôp kố vâ tah lôi pá puât ‘na kơxô̆ liăn ăm tơdroăng cheăng kâ, xua mê pin kal tơmâng rơkong tơpui dêi mâu khu pêi cheăng ki tơdjâk thế nhuô̆m dêi pó, nhuô̆m tơdroăng nôkố; pơkâ thế mâu kăn teăng mâ xông tơpui tơdrăng, ngăn tơdrăng tơdroăng ki khât, tối mâu troăng pêi ki chiâng pêi pro, teăm tơdrêng, châ tơƀrê, ‘măn ki châ tơƀrê, ki pơxúa tơnêi têa, hdroâng mơngế, mâu hngêi arak liăn, khu tê mơdró cho a pêng, a hdrối.

Ngế pro xiâm hnê ngăn tơnêi têa tối nhên, tơdroăng hngêi arak liăn ai tơdjâk troh khu tê mơdró, khu tê mơdró ƀă hngêi arak liăn ai tơdjâk tơdroăng cheăng kâ tơnêi têa. Tơdroăng cheăng kâ ai mơnhông mê hngêi arak liăn ƀă khu tê mơdró nếo mơnhông mơdêk ƀă tơrôu, hngêi arak liăn ƀă khu tê mơdró ai mơnhông mơdêk mê tơnêi têa nếo mơnhông mơdêk.

Ngế pro xiâm hnê ngăn tơnêi têa mơnhên, kal ti tăng rơkong tiâ ăm tơdroăng mung liăn xua dế châ tŏng kum pá puât, ai liăn mê tá hâi chiâng vâ ‘no hrê; thế tơpui tiô hiâm mơno tơdrăng, nhuô̆m, tơmâng, xo vế.